عنوان: شہریوں کے لیے خوشخبری: ٹماٹر کی قیمت میں نمایاں کمی، 700 سے 180 روپے فی کلو تک
خبر:
کراچی (اسٹاف رپورٹر) شہریوں کے لیے بڑی خوشخبری! ملک بھر کی سبزی منڈیوں میں ٹماٹر کی قیمت میں غیر معمولی کمی ریکارڈ کی گئی ہے۔ چند روز قبل 600 سے 700 روپے فی کلو فروخت ہونے والا ٹماٹر اب 160 سے 180 روپے فی کلو میں دستیاب ہے۔
تاجروں کے مطابق ایران سے درآمد شدہ ٹماٹر کی بڑی کھیپ پاکستان پہنچنے کے بعد مارکیٹ میں سپلائی بڑھ گئی ہے، جس سے قیمتوں میں واضح کمی آئی ہے۔ شہریوں نے حکومت اور ضلعی انتظامیہ سے مطالبہ کیا ہے کہ یہ ریلیف طویل عرصے تک برقرار رکھا جائے تاکہ عام آدمی کو مہنگائی سے کچھ راحت مل سکے۔